Parafrase Lirik Lagu Sunda

DURIAT

Cipt. Doel Sumbang & Sugandi

Dina hate kuring anjeun cicing

Dina hate anjeun kuring cicing

Bener-bener henteu bisa ngejat

Dibeungkeut ku tali duriat

Sanajan loba nu daratang

Pating kuriling neangan lawang

Pating kaletrok kana panto hate

Tapi ku urang teu dipalire

Duriat teu bisa digantian ku rupa

Duriat teu bisa dihilian ku harta

Duriat teu bisa di aya-aya

Duriat datangna heunteu kapaksa

Dikotretkeun dina hate tidituna

Diguratkeun dina rasa tidituna

Dibuka di baca ku urang duaan

Di jaga di riksa pinuh rasa ka heman

Parafrase :

          Tembang ieu ngagambarkeun yen dina hate kuring ajeunna cicing, dina hate anjeunna kuring cicing. Bener-bener henteu bisa indit lantaran kabeungkeut ku tali duriat.

          Sanajan loba anu daratang, nguriling lawang neangan panto hate tapi ku urang teu dipalire.

          Duriat teu bisa digantian ku rupa naon-naon oge, duriat teu bosa dihilian ku harta lantaran duriat sakitu hebatna. Duriat teu bisa di aya-aya tur teu bisa dipaksa.

          Dikotretkeun dina hate ti dituna. Diguratkeun dina rasa ti dituna. Dibuka tur dibaca ku duaan, tur dijaga  di riksa pinuh ku rasa ka heman.

DINA AMPARAN SAJADAH

Cipt. Doel Sumbang

Dina amparan sajadah

Abdi sumujud pasrah

Diri nu lamokot ku dosa

Nyanggakeun sadaya daya

Dina amparan sajadah

Abdi sumujud pasrah

Mundut panghampura Gusti

Ya Allah Robbul 'izzati

Taya deui

Panglumpatan

Taya deui 

Pamuntangan

Mung Allah pangeran abdi

Pangeran anu sajati

Parafrase :

         Tembang ieu ngagambarkeun hiji jalma anu sujud dina amparan sajadah, pasrah sumujud diri nu lomokot ku dosa, nyanggakeun sadaya-daya.

           sumujud pasrah dina amparan sajadah, menta panghampura Gusti Alloh ya Robbul 'izzati.

           Mung Alloh pangeran anu sajati. Teu aya deui panglumpatan. Teu aya deui pamuntangan.

by:sukmawati